א מבין אויף א רשע

לכבוד די שרייבער פון דעם בלעטל, וואס ערשיינט וועכענטלעך און שיכון סקווירא

איר ווילט לכאורה העלפען, אין געבען חיזוק פאר א טאטע וואס מאכט נעבעך מיט צער גידול בנים, איז מיין קשיא צו אייך, איז דאס, די בעסטע וואס איר קענט זאגען פאר דעם טאטען, אז ער האט "א רשע ביים סדר", א קעפל וואס טוט אויף היפך כונה,  זאג נאר, איר זענט א מבין אויף א רשע

טאטע טייערע, זעצט אייך נאך נישט שבעה, פארן פארלוירענע זון ,ווייל צי דעם חילוק פון א שאינו יודע לשאול, צו א רשע איז די שרייבער א קנאפע מבין, איך גלייב שווער אז ער רעדט פון דער רשע, א שלעגער, וואס די תורה זאגט אויף אזא איינעם רשע למה תכה רעיך, וואס דער שלעגער'ס טאטע איז גאר געזעצען ביים סדר אין געשפט נחת פון זיין גרויסער חכם, און אז אייער קינד וואס קוקט אויס שוואך, צו ער איז יא געזעצען ביים סדר צו נישט איז ביי מיר קיין ספק נישט, אז ער איז נאך זייער ווייט פון א רשע

איר ווינדער'ט זיך אוודאי, מה ענין שמיטה אצל הר סיני, ווי קומט דאס דא אריין

אוי ווי עס קומט אריין, איך האב נישט סתם אזוי גענומען דא דעם פלאץ צו קריטעקירן א מענטש פריוואט, נאר דאס איז די מהלך המחשבה אין דעם שטעטעל סקווער, טאקע דאס וואס איך אדרעסיר

 פאר אפאר יאר צוריק איז די רבי געווען אויף א באזוך אין ארץ ישראל,  אין איז געגאנגען באזוכען  דער בעלזער רבי, האט בעלזער רבי געפרעגט, שוואגער לעבען וואס טוט איר מיט די פראבלעם פון די נושרים, די ארויסגעפאלענע, איז די רבי'ס תשובה געווען, אינז האבן נישט דעם פראבלעם ב"ה

אפאר יאר שפעטער ווען עס איז שוין נישט מער שייך געווען צי לייקענען און באהאלטען דעם סוד פון גאנץ בראד, איז מען געפאלען אויף תירוצים אדער אז דער טאטע פון אזא קינד איז א קאלטע חסיד, אין עס האט א שלעכטע השפעה אויפן חינוך, לסוף אז דאס האט זיך ארויסגעוויזען פאלטש, ווייל עס איז געווארען מער פעלער ביי די גרויסע חסידים, האט מען געזינגען, אן אנדערע תירוץ אז דער בחור האט נישט געלערנט ביי אינז אין ישיבה, ממילא איז ער נישט קיין תלמיד, און אחרון חביב די לעצטע תירץ, איז אלעמאל, אז ערגעץ אנדערש איז נישט בעסער, הצד השוה שבהן פון די אלע תירוצים, איז אייביג ווי אזוי  זיך אפצישאקלען אין נישט נעמען פאראנוועטליכקייט

ווען א טאטע האט געדארפט הילף אריין צי שטעלען אין ישיבה, אדער צוריק שטעלען אין ישיבה, האט זיך די רבי אייביג אפגעשאקעלט אז ער האט נישט קיין שליטה אויף די הנהלה,די טאטע הייבט אן וויינען מיט ביטערע טרערען, די רבי גיט א ברכה מיט א בלעכענע שמייכעל, קעיס קלאסד

ווען א טאטע איז אריין צים רבי'ן מיט א פערטיגע פלאן, וואס מחנכים האבען מיט שוועריקייטן ערלעדיגט,  האט ער א דריי געגעבן מיטן נאז, אין די גאנצע ארבעט איז ציפאלען ווי א זייפען בלאז, דאס מיינט ווען א טאטע האט יא געוואלט שיקען קיין ארץ ישראל ווייל ער האט געהאט א פלאן וואס וועט ארבעטן פאר זיין קינד, האט מען אים געזאגט ניין ער זאל נישט גיין, ווייל עס צו א לכתחילה'דיגע ישיבה אויף אוועק צוגיין פון דא, אין פארקערט ווען ס'האט זיך געמאכט פעלער, אז א טאטע האט געארבעט פאר א ישיבה דא, אין אמעריקע, האט די רבי געזאגט מען זאל אים שיקען קיין ארץ ישראל אן קיין פלאן, אין פארשטייט זיך אליינס, ער איז אהיים געקומען א האלבע יאר שפעטער אינגאנצען חרוב, עס האט זיך ביי אים בלויז געוואנדען צו עס וועט לוינען פאר זיין כבוד, אויב די בחור וועט גיין אין די פרעמד אין וועט אויסוואקסען צי שיין ער וועט זיין צי א גרויסע מתמיד, וועט אים נישט טויגען, עס וועט נישט אויסזען גוט פאר סקווירא

יעצט ווילט איר מיר פראבירען איינרעדן אז די מהלך המחשבה זאל זיין, אז עס איז נישט אין אונזער הענט אין מען זאל עס אנעמען באהבה, אנדעם וואס מזאל גיין צום שורש פון דעם פראבלעם, נא וועי, אינז וועלן זיך נישט לאזען, די קינדער שרייען אין וויינען פאר הילף און זיי ווארטען טעקע אויפן הייליגער סדר נאכט  וואס דעמאלטס זאגט מען אין די הגדה, ושאינו יודע לשאול את פתח לו, טאקע די עפען  איהם, געב איהם ווי צי לערנען, געב איהם ווי צי דאווענען

ווען די שוואכע קינדער האבען פארלאנגט א ד' אמות ווי צו פארברענגען מיט אויפזיכט, זיי ווילן מאכען א אייגענע מנין נישט זיך דארפן שעמען פון אפאהר טויזענט מתפללים, האט מען זיי פארטריבען פון שטאט, אין הכל יבא בשלום, אינז האבען מער נישט קיין נושרים אין שטאט

 איי וועט איר זאגען, אז ח"ו, נישט דאס האב איך געמיינט, איך האב נאר געוואלט טרייסטען דעם טאטען, אויף דעם פרעג איך ווי איז דיין קעפל? "א רשע ביים סדר"?ט

די אייבישטער זאל העלפען עס זאל זיין אנחנו וצאצאינו וצאצאי כל עמך בית ישראל, כלנו יודעי שמך ולומדי תורתך לשמה